$ 448.15  483.46  4.86

Нұр-Сұлтанда жаппай төбелес кезінде екі адам көз жұмды

Жанжал араздасушылардың бірі қарызын қайтармауы салдарынан туындаған. Соңы төбелеске ұласып, пышақ және атыс қарулары қолданылған.
Фото: 24.kz
Фото: 24.kz

Нұр-Сұлтандағы жаппай төбелес салдарынан екі ер адам қаза тапты, деп хабарлайды Stan.kz.

Алматыдағы сауда үйінде екі жасөспірім күзетшіні пышақтап кетті"22 желтоқсанда сағат 23.30-да "102" арнасына Бетон зауытының аумағында төбелес болып жатқаны туралы хабарлама келіп түсті. Дереу оқиға орнына полиция қызметкерлері барды. Төбелес салдарынан ауруханаға екі ер адам жеткізілді. Біреуіне кеуде тұсынан оқ тиген, екінші адам қарын тұсынан пышақ салынған. Екеуі де көз жұмды", - делінген елорда полиция департаментінің баспасөз қызметінің хабарламасында.

Қаза болғандардың кім екені анықталды, олар - Қызылорда облысының 39 және 44 жастағы тумалары.

Кейін ауруханаға тағы бір жаппай төбелеске қатысушы - 24 жастағы атыс жарақатын алған жігіт жеткізілді.

"Жанжал араздасушылардың бірі қарызын қайтармауы салдарынан туындаған. Соңы төбелеске ұласып, пышақ және атыс қарулары қолданылған.

Оқиғаның қатысқан 11 адам анықталып, ұсталды. Заттай дәлелдемелер алынды. Аталған факті бойынша қылмыстық кодекстің 99 - бабы, 2-бөлігі бойынша қылмыстық іс қозғалды, тергеу жүргізілуде", - деп толықтырды құқық қорғау органында.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары