Жаңалықтар 24.12.2020 сағат 07:07

Алматы полициясы синтетикалық есірткі шығаратын 5 зертхананы анықтады

Тінту кезінде шамамен 80 кг әр түрлі қышқылдар, жалпы салмағы 25 кг сатуға дайын «Жылдамдық» заты тәркіленді. Бұл өнімнің бағасы 350 миллион теңгені құрайтын еді.
Алматы полициясы синтетикалық есірткі шығаратын 5 зертхананы анықтады
Бөлісу
Бөлісу
Бөлісу

Бүгінгі күні синтетикалық есірткілер мен оларды шығаруға арналған зертханалар ғаламдық мәселелердің бірі. Жыл басынан бері қабылданған шаралардың нәтижесінде Алматы полициясы синтетикалық есірткі шығаратын 5 зертхананы таратты. Бұл туралы Skifnews.kz ақпарат порталы, Алматы ПД-не сілтеме жасап хабарлайды.

«Есірткі зертханаларының жұмыс істеуі үшін курьерлік қызмет кеңінен қолданылады. Синтетикалық есірткілер, сондай-ақ, зертханаға арналған түрлі реактивтер мен компоненттер біздің мемлекетіміздің аумағына әр түрлі елдерден көлік-логистикалық компаниялармен келеді, олардың ішінде 1 мың 500-ден астам ұйым тек қалада тіркелген. Көрсетілген кезеңде біз синтетикалық есірткіні одан әрі жүзеге асыру үшін Ресей Федерациясынан курьерлік қызметтер арқылы тасымалдаудың 9 жағдайын анықтадық. 

Осылайша, Алматы маңында екі жас жігіт есірткі зертханасын ұйымдастырды және Ресей Федерациясының логистикалық компаниясы арқылы синтетикалық есірткі өндірісінің түрлі компоненттерін алды. Тінту кезінде шамамен 80 кг әр түрлі қышқылдар, сонымен қатар, жалпы салмағы 25 кг сатуға дайын «Жылдамдық» заты тәркіленді. Бұл өнімнің бағасы 350 миллион теңгені құрайтын еді», - деді Алматы қалалық ПД есірткі қылмыстарымен күрес Басқармасының бастығы, полиция подполковнигі Ерлан Алмағамбетов.

Сонымен қатар, спикер есірткі бизнесімен байланысты қылмыстардың жаңа форматтарға ие болғандығына назар аударды.

«Синтетикалық есірткіні контактісіз әдіс, Интернет арқылы электронды төлемдермен тарату тенденциясы байқалады. Қылмыстың бұл түрін, әдетте, бір адам емес адамдар тобы жасайды, әр қатысушының рөлдерін нақты бөледі. Осылайша, біз қылмыстың ұйымдасқан түрімен айналысамыз. Жыл басынан бері қалада ұйымдасқан қылмыстық топты құру мен ұйымдастырудың 2 фактісі анықталды, «киви-әмияндарды» қолданып, «гашиш» есірткісін контактсыз сатумен және таратумен айналысқан 7 адам қамауға алынды. Қазіргі уақытта ұсталған адамдарға қатысты сот процесі жүріп жатыр. Сонымен қатар, осы жылдың 11 айында есірткіні тарататын және жарнамалайтын 207 интернет-сайт анықталғанын айта кеткен жөн. Олар бұғатталған», - деп түйіндеді, подполковник Алмағамбетов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар