$ 444.22 € 476.38 ₽ 4.82
Астанада донер пісіріп сататын дәмханалардың бірінде газ баллоны жарылды деп хабарлайды Tengrinews.kz елордалық ТЖД баспасөз қызметіне сілтеме жасап.
Құтқарушылар хабарлағандай, оқиға 15 шілде күні күндізгі сағат 12:30 шамасында орын алған. "Оқиға орнына өрт сөндірушілер келгенде газ баллонының жарылып, арты өртке ұласқаны анықталды. Тілсіз жау "Дархан" дәмханасына жапсарлас салынған донер жасайтын орталықта орын алған", - делінген Астана қалалық ТЖД-нің баспасөз қызметі таратқан хабарламада.
Өрт сағат 12:54-те ауыздықталды. Қызыл жалынмен күресуге 7 дана техника мен 23 адам жұмылдырылған. Өрт салдарынан 22 жасар аспасздың қолы мен беті күйіп қалыпты. Ол ауруханаға жеткізілді.
