«Pfizer вакцинасы әзір әкелінбейді» - Цой

Қазақстанда коронавирусқа қарсы Pfizer/BioNTech вакцинасы 2021 жылдың екінші жартыжылдығынан бұрын пайда болмайды. Бұл туралы денсаулық сақтау министрі Алексей Цой мәлімдеді, - деп хабарлайды Tengrinews.kz.

Жаңа жыл қарсаңында Pfizer компаниясымен соңғы келіссөздер жүргізілді. Біз бұл вакциналарды жеткізу мүмкіндігін талқыладық. Бізде құпиялылық туралы келісімге қол қойылды, яғни біз жария ете алмайтын ақпараттар бар. Бұл ішкі регламенттерге қатысты. Бірақ, жалпы алғанда, бұл вакцина Қазақстанда екінші жарты жылдықтан бұрын пайда болмайды деген болжам айтылды.

Біз әріптестерімізге осы вакцинаны ҚР аумағында тіркеу және рәсімдеу үшін құжаттарды енгізуді ұсындық. Бұл вакцинаны біз Қазақстанда алуымыз үшін, жұмысты тездетуді сұрадық. Алайда әзірге бізге 2021 жылдың екінші жартыжылдығынан ерте емес мерзімдер мәлімделді", - деді Цой  ОКҚ брифингінде.