Жаңалықтар 06.01.2021 сағат 23:05

Елбасы Үкімет жұмысы жайлы айтты

Премьер-Министрдің мәліметіне сәйкес, негізгі капиталға салынған инвестициялар 17 процентке ұлғайып, жұмыссыздық 5 процентті құрады.
Елбасы Үкімет жұмысы жайлы айтты
Бөлісу
Бөлісу
Бөлісу

«Nur Otan» партиясының Төрағасы Нұрсұлтан Назарбаев партияның Саяси кеңесі Бюросының мүшесі, Премьер-Министр Асқар Маминді қабылдады. Бұл туралы Skifnews.kz ақпарат порталы, Елбасы сайтына сілтеме жасап хабарлайды.

Кездесуде Елбасыға 2020 жылы әлеуметтік-экономикалық және санитарлық-эпидемиологиялық ахуалды тұрақтандыру бойынша қабылданған шаралардың нәтижесі туралы баяндалды.

Қазақстанның Тұңғыш Президенті 2020 жылы коронавирус пандемиясына байланысты Үкімет жұмысы күрделі жағдайда өткенін айтты.

Елбасы ұлттық экономиканың тұрақтылығын сақтау және стратегиялық даму бағдарламаларын іске асыру жөніндегі Үкіметтің дер кезінде қабылдаған шараларына тоқталып, негізгі макроэкономикалық көрсеткіштердің өскенін атап өтті.

Премьер-Министрдің мәліметіне сәйкес, негізгі капиталға салынған инвестициялар 17 процентке ұлғайып, жұмыссыздық 5 процентті құрады. Жеңіл өнеркәсіпте 16 процент, фармацевтикада 40 процент, машина жасауда 16 процент, құрылыста 12 процент және басқа салаларда да өсім бар.

Сондай-ақ Қазақстанның Тұңғыш Президентіне еліміз бойынша 19 мыңға жуық жұмыс орнын құруға мүмкіндік берген Индустрияландыру картасы аясында жүзеге асырылып жатқан жобалар туралы ақпарат берілді.

А.Мамин өз сөзінде мемлекеттік органдардың, қоғамдық институттардың бірлескен іс-қимылы және  «Nur Otan» партиясының белсенді жұмысының арқасында Қазақстанда пандемияның жаппай өршуіне жол берілмегенін атап өтті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар