Жаңалықтар 17.01.2021 сағат 08:49

Ақмола облысында карантин күшейтілді

Облыста шоқыну мейрамы кезінде тұрғындарға жаппай шомылуға тыйым салынды.
Ақмола облысында карантин күшейтілді
Фото: ашық дереккөзі
Бөлісу
Бөлісу
Бөлісу

Бүгін Ақмола облысының бас мемлекеттік санитарлық дәрігерінің шектеу карантиндік шараларын күшейту туралы жаңа қаулысы шықты, деп хабарлайды Azattyq Rýhy тілшісі coronavirus2020.kz-ке сілтеме жасап.

2020 жылғы 16 қаңтардағы қаулыға сәйкес, Ақмола облысының аумағында эпидемиологиялық жағдай тұрақталғанға дейін шаруашылық және өзге де қызмет пен халықтың өмір сүруінің ерекше жағдайларымен шектеу іс-шараларын жүргізуді қамтамасыз ету қажет. Тұрғындар жеке қорғаныс құралдарын пайдалану және кәдеге жарату алгоритмінің сақталуын және кемінде екі метр қашықтықты сақтауды қамтамасыз етуі керек. Отбасылық, еске алу іс-шараларын және адамдар көп жиналатын өзге де іс-шараларды, оның ішінде үйде өткізуге тыйым салынады. Облыс тұрғындарына қоғамдық тамақтану орындарында (отбасылық, еске алу іс-шаралары (банкеттер, үйлену тойлары, мерейтойлар, мерекелік корпоративтер, еске алу) ұйымдастырылатын көпшілік шараларға баруға, сондай-ақ үйде өткізулеріне тыйым салынады.

Сонымен қатар ойын-сауық нысандарын қоспағанда саябақтарға, скверлерге және басқа да демалыс орындарына 3 адамнан аспайтын топпен немесе бір отбасы мүшелерімен әлеуметтік қашықтықты сақтау, жеке қорғаныс құралдарын пайдалана отырып жүруге рұқсат етіледі. Жерлеу іс-шараларын өткізу кезінде кемінде екі метр қашықтықты сақтай отырып, 30-дан астам адамның (отбасы мүшелерінің) жиналуына жол берілмеуі тиіс.

Айта кетсек, 2021 жылғы 16 қаңтардағы Қазақстан өңірлеріндегі эпидемиологиялық жағдайды бағалау матрицасына сәйкес, Нұр-Сұлтан қаласы мен Қостанай және Ақмола облыстары «қызыл аймаққа» өтіп отыр. Сондай-ақ бүгін Ақмола облысының бас мемлекеттік санитарлық дәрігері Айнагүл Мусина Шоқыну мерекесін тойлауға байланысты карантиндік шектеулер туралы Қаулыға қол қойды. Сол арқылы облыста шоқыну мейрамы кезінде тұрғындарға жаппай шомылуға тыйым салынды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар