Алматы облыстық сотының жұмысы толығымен тоқтатылды

Карантиндік шараларға байланысты Алматы облыстық сотының жұмысы толығымен тоқтатылды, деп хабарлайды Stan.kz соттың баспасөз қызметіне сілтеме жасап. 

Талдықорған қаласының санитарлық дәрігерінің бұйрығымен ғимаратта және облыстық соттың аумағында 20 қаңтар мен 2 ақпан аралығында карантиндік шаралар енгізілді. Осылайша соттың барлық жұмысы толығымен тоқтатылды, қызметкерлер қашықтан жұмыс режиміне ауыстырылды.

Санитарлық-эпидемиологиялық қызметтің қызметкерлерінен басқаларының бәріне сот ғимаратына келуге қатаң тыйым салынады.

Осы мерзімге жоспарланған істер кейінге ауыстырылды. 

Қылмыстық іс жүргізу кодексінің 107-бабы "Апелляциялық шағым, прокурордың шешімдеріне тергеу судьясының санкцияларын беру" бойынша материалдарды судья Талдықорған қалалық сотының ғимаратында қашықтықтан қарайды.