Қазнетте Кенесары ханның ұрпағы болуы мүмкін шіркеу қызметкерінің ФОТОсы пайда болды

Қазнетте Кенесары ханның ұрпағы болуы мүмкін шіркеу қызметкерінің киіміндегі ер адамның суреті пайда болды, деп жазады Skifnews.kz ақпараттық поталы.

Саясаттанушы Самат Нұртазаның Facebook-тегі парақшасында жариялаған суреті әлеуметтік желіде қызу талқыланып жатыр.

Суреттегі ер адамның бірі - иеромонах Серафим, шын есімі Денис Анатолийұлы Кенесарин.

"Суреттегі жас батюшка кім деп ойлайсыз? Бұл иеромонах - Серафим әкей. Шын есімі Денис Анатолийұлы Кенесарин. Кенесары ханның үшінші ұлы Ахмет сұлтанның ұрпағы. Ахметтен – Әзімхан, Әзімханнан - Мадияр, Мадиярдан – Анатолий, Анатолийден – Денис (Серафим) дүниеге келеді.

Айтпақшы Әзімхан Кенесарин атақты Алаш қайраткері. Сталин заманында репрессияға ұшыраған. Әзімхан Кенесарин түрмеде отырғанда, немересінің есімі Анатолий болатынын ойламаған шығар ...", - дейді пост авторы.