Мәдениет және спорт вице-министрі қамауға алынды

Сыбайлас жемқорлыққа қарсы іс-қимыл агенттігі мәдениет және спорт вице-министрі Сәкен Мұсайбековтың қамауға алынғаны туралы ақпаратқа түсініктеме берді, деп хабарлайды sputnik.kz.

"Мәдениет және спорт вице-министріне қатысты сыбайлас жемқорлыққа қарсы тергеу жүргізіліп жатыр. Ол заңды тұлғаның құрылтайшыларынан букмекерлік қызмет саласындағы мүддені қорғағаны және жалпы қамқорлық жасағаны үшін пара алды деген күдікке ілінді. Сот санкциясымен пара алушы мен пара беруші қамауға алынды", - деді агенттіктің ерекше маңызды істер жөніндегі тергеушісі Данияр Бигайдаров.

Бұған дейін бірқатар қазақстандық БАҚ өз дереккөзіне сілтеме жасап, Сәкен Мұсайбековтың сыбайлас жемқорлық жасады деген күдікпен ұсталғанын хабарлаған болатын.

Тергеу мүддесіне байланысты басқа ақпарат жария етілмейді, деп түсіндірді ведомство.