Жаңалықтар 18.03.2021 сағат 19:10

Әлеуметтік желі арқылы киімге тапсырыс қабылдап, алдын ала төлем жинап алған алаяқ ұсталды

Криминалдық полиция қызметкерлері күдіктіні жедел тексеріс кезінде анықтады.
Әлеуметтік желі арқылы киімге тапсырыс қабылдап, алдын ала төлем жинап алған алаяқ ұсталды
Фото: ашық дереккөз
Бөлісу
Бөлісу
Бөлісу

Петропавлдық полицейлер Instagram арқылы бірнеше рет алаяқтық қылмыс жасады деген күдікпен Алматы қаласының 31 жастағы тұрғынын ұстады, деп хабарлайды Polisia.kz

Петропавл қаласы Полиция басқармасына қала тұрғындарынан интернет-алаяқтық фактілері туралы бірнеше арыз келіп түскен. Қаскөй жәбірленушілерді Instagram әлеуметтік желісіндегі жалған интернет-дүкен парақшасы арқылы алдаған. Парақшаның әкімшісі қымбат тұратын әйелдер киімі мен бұйымдарды сататынын хабарлап, клинеттерден алдын-ала төлем жасауын сұраған. Ал артынша сол күйі кері байланысқа шықпаған.  

«Көп жағдайда әйелдер алданып қалған. Instagram әлеуметтік желісіндегі “Modnyi Store” парақшасынан киімге тапсырыс беріп, алдын ала төлемді аударған. Жіберілген сома әр түрлі: 10 мыңнан 300 мың теңгеге дейін. Қаржы шотқа түскеннен кейін қаскөй байланысқа шығуды қойған», – деді полицейлер. 

Криминалдық полиция қызметкерлері күдіктіні жедел тексеріс кезінде анықтады. Ол Алматы қаласының тұрғыны болып шықты. Петропавлдық жедел уәкілдер алаяқты Теміртау қаласының аумағында ұстады. 

«Қазіргі уақытта күдікті қамауға алынды. Іс материалдарында Петропавл қаласы бойынша 13 эпизод тіркелген. Полицейлер тауар мен қызметтерге алдын ала төлемді талап ету – интернет-алаяқтардың жиі пайдаланатын амалы екендігі туралы ескертеді және тауардың барына көз жеткізбей, алдын ала төлемді жібермеуге шақырады», - делінген хабарламада.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар