«Істеген күнәлары маза бермеген»: Рудныйда колледж студенті есікке асылып қалған

Рудный қаласындағы колледждің 17 жастағы студенті өзі тұрған пәтерде есікке асылып қалды, деп хабарлайды Stan.kz.

Колледжде екінші курста оқитын студент 19 наурызда өзіне қол жұмсаған. Қатарластарының айтуынша, ол мінезі ашық-жарқын,  колледждің қоғамдық өміріне белсенді араласып жүрген.

Бозбала өлер алдында өліміне ешкімді кінәламауды, өзін кешіруді сұраған хат жазып қалдырған. Ол кейінгі кезде істеген күнәлары маза бермегенін айтып, жаңа жылға дейін өзіне қол салуды ойлағынын жазған.

Қазір жергілікті полция басқармасы ҚР ҚК 105 бабы 3 бөлігі «Өз-өзіне қол жұмсауға мәжбүрлеу» бойынша қылмыстық іс қозғады.