Жаңалықтар 18.04.2021 сағат 10:20

Ақмола облысында жүк көлігі жүргізушісімен бірге суға батып кетті

Қазіргі кезде жүргізушінің денесі Нұр-Сұлтан қаласындағы мәйітханаға жіберілді.
Ақмола облысында жүк көлігі жүргізушісімен бірге суға батып кетті
Бөлісу
Бөлісу
Бөлісу

Ақмола облысының Шортанды ауданында жүк көлігі суға аударылып, жүргізуші тұншығып көз жұмды, деп хабарлайды Skifnews.kz ақпараттық порталы облыстық ПД баспасөз қызметіне сілтеме жасап.

Ведомствоның мәліметінше, қайғылы жағдай сәуірдің 16-да Бектау ауылы маңында болған.

«Анықталғандай, қарғын су шайып кеткен автожолмен қиыршық тас зауытына бара жатқан «Шансиман» жүк көлігі жолда батып қалады. Бульдозер тракторымен сүйреп шығару кезінде жүк көлігі аударылып, алдымен кабинасы кейін түгел суға батады. Осы кезде көлік ішінде болған жүргізуші сыртқа шыға алмай, оқиға орнында көз жұмды»,  дейді ведомстводан.

Қазіргі кезде жүргізушінің денесі Нұр-Сұлтан қаласындағы мәйітханаға жіберілді. Сонымен бірге, Қылмыстық кодекстің 156-бабының 3-бөлігі «Еңбекті қорғау ережесінің бұзылуы» бойынша сотқа дейінгі тергеу амалдары қолға алынды.

Айта кетейік, әлеуметтік желілерде Шортанды ауданы аумағында жүк көлігінің сүйреу кезінде суға аударылғаны туралы бейнежазба тарап жатыр. Онда көлік ішіндегі жүргізушіні куәгерлер құтқармақшы болғанын көруге болады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар