Жаңалықтар 19.04.2021 сағат 02:41

Жаяу бұрқасын болады: 19 сәуірге арналған ауа райы болжамы

Кей жерлерде тұман, желдің күшеюі, еліміздің солтүстік бөлігінде кей жерлерде көктайғақ, жаяу бұрқасын болады.
Жаяу бұрқасын болады: 19 сәуірге арналған ауа райы болжамы
Бөлісу
Бөлісу
Бөлісу

Синоптиктер дүйсенбі, яғни 19 сәуірге арналған ауа райы болжамын жариялады,, деп хабарлайды Skifnews.kz ақпарат порталы Қазгидрометке сілтеме жасап.

«Циклон жырасы солтүстік-шығысқа ығысады және онымен байланысты фронталды бөліктердің өтуімен солтүстікте кей жерлерде жауын-шашын, шығыста кей жерлерде қатты жауын-шашын (жаңбыр, қар), оңтүстік-шығыста кей жерлерде найзағаймен жаңбыр жауады. Циклон артынан Скандинавия аралынан суық антициклон келіп, еліміздің солтүстік, солтүстік-батыс және шығыс аймақтарында ауа температурасы төмендейді. Кей жерлерде тұман, желдің күшеюі, еліміздің солтүстік бөлігінде кей жерлерде көктайғақ, жаяу бұрқасын болады», - делінген «Қазгидромет» хабарламасында.

Ақмола облысының кей жерлерінде тұман, көктайғақ, жаяу бұрқасын болуы мүмкін, жел түнде 15-20, екпіні 25 м/с, күндіз кей жерлерде 15-20 м/с дейін күшейеді.

Павлодар облысының кей жерлерінде тұман, көктайғақ, жаяу бұрқасын болады, жел түнде 15-20 м/с, екпіні 23 м/с, күндіз кей жерлерде 15-20 м/с, екпіні 23 м/с күшейеді.

Қостанай облысының кей жерлерінде түнде тұман, көктайғақ, жаяу бұрқасын болып, жел 15-20, екпіні 23 м/с жетуі мүмкін.

Қарағанды ​​облысының кей жерлерінде тұман, көктайғақ болып, жел 15-20, екпіні 23-28 м/с күшейеді.

Солтүстік Қазақстан облысында жел түнде 15-20, екпіні 23-28 м/с, күндіз кей жерлерде 15-20 м/с күшейеді.

Шығыс Қазақстан облысының кей жерлерінде тұман, күндіз кей жерлерде найзағай болады, жел кей жерледе 15-20 м/с дейін күшейеді.

Жамбыл, Алматы облыстарының кей жерлерінде найзағай болады, жел 15-20 м/с дейін соғады.

Ақтөбе, күндіз Қызылорда, Батыс Қазақстан облыстарының кей жерлерінде жел 15-20 м/с күшейеді, Батыс Қазақстан облысының кей жерлерінде найзағай ойнайды.

Маңғыстау, Атырау облыстарының кей жерлерінде тұман түседі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар