Жаңалықтар 21.04.2021 сағат 11:40

Алматыда аялдамадан нәресте табылды

Баласын тастап кеткен ананың жеке басы алдын ала анықталған. Полиция әйелдің тұрған жерін анықтап жатыр.
Алматыда аялдамадан нәресте табылды
Бөлісу
Бөлісу
Бөлісу

Алматыда аялдамадан нәресте табылды. Тәртіп сақшылары нәрестенің анасын іздестіріп жатыр. Полиция өкілдері әйел баласын бұған дейін де бірнеше рет тастап кеткенін айтты, деп хабарлайды Skifnews.kz ақпарат порталы.

Алматыда табылған бала туралы ақпарат Instagram әлеуметтік желісіндегі rozysk_kz-парақшасында пайда болды. Жазбада бала шамамен екі жаста екені көрсетілген.

Алматы полиция департаментіндегілер 19-20 сәуірге қараған түні "Северное кольцо" көшесіндегі аялдамадан ер адам нәрестені тауып алғанын айтты.

"Ер адам түнде баланы үйіне алып кеткен. 20 сәуірде түстен кейін ол полицияға келіп, бала туралы хабарлады. Полиция қызметкерлері жедел медициналық көмек шақырды. Оны № 2 Балалар клиникалық ауруханасына тексеру үшін жеткізді. Қазір ол сол жерде. "Ана" дегеннен басқа, ештеңе айтпайды және өз атын айта алмады", - деді Алматы ПД өкілдері.

Баласын тастап кеткен ананың жеке басы алдын ала анықталған. Полиция әйелдің тұрған жерін анықтап жатыр.

"Әйелдің екі баласы бар. Бұрын да полицияның назарына іліккен. Балалар құқығын қорғау жөніндегі ведомствоаралық комиссияға ұсынылды, бірақ қорытынды жасамаған тәрізді. Алатау аудандық полиция басқармасының қызметкерлері әйел баланы бірнеше рет тастап кеткенін айтты. Заңнамаға сәйкес жүрген жері анықталғаннан кейін шаралар қабылданады", - деді Алматы ПД өкілдері.

Бұған дейін Алматы облысы Жамбыл ауданындағы тасжолда бала табылған еді. Бала жол жиегінде тұрған. Тәртіп сақшылары Өзбекстаннан келген және шаруа қожалықтарының бірінде уақытша тұратын 44 жастағы анасының мекен жайын анықтады. Тексеру материалдары бойынша, әйел баласымен бірге көрші шаруа қожалығына барып, бес жасар ұлын көлікте қалдырып кеткен.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар