$ 444.32 € 473.33 ₽ 4.76
Қарағандыда ыстық су құбыры жарылып, орталық көшені су басты, деп хабарлайды inbusiness.kz. «26 сәуірде М5 магистраль желісіндегі құбырда ақау болды. Жұмысшылар диаметрі 1 мың мм болатын жылу желісінде судың ағып жатқанын анықтады. Бүгінде ақауды жою жұмыстары жүргізіліп жатыр», - деп жазылды «Қарағанды Теплотранзит» ЖШС таратқан хабарламада.
Компания мәліметінше, алдағы уақытта апат болған жерде қалдық суды сорып алатын арнайы құрал іске қосылады. «Оңтүстік-Шығыс тұтынушылары М3 магистраль желісіне қосылды. М5 құбырына 4 нысан қайта қосылады: Серік Сәпиев атындағы Бокс орталығы, Мұз сарайы, Теннис орталығы және мұз айдыны. Ақау тұрғын үйлерді жылумен қамтамасыз ету сапасына әсер етпейді», - деп жазылған хабарламада.
