$ 449.58  486.94  4.86

Кеденшілер құны 187 млн теңге болатын контрабанданың жолын кесті

Дұрыс мәлімделмеген тауардың және декларацияланбаған тауардың жалпы кедендік құны 187,2 миллион теңгені құрады.
фото: Orda.kz.
фото: Orda.kz.

«Құрық» теңіз портындағы кеденшілер Маңғыстау көлік прокуратурасымен бірлесіп, Еуразиялық экономикалық одақ шекарасы арқылы контрабанда тасымалының жолын кесті деп жазды Orda.kz .

– Контрабандалық жүк тасымалдайтын екі ауыр жүк көлігі Түркиядан «Құрық» теңіз портына келді. Тауарға ілеспе құжаттарға сәйкес, тауарларды Түрік өндірушілері Өзбекстан мен Қырғызстан азаматтарының атына жіберген, — делінген баспасөз қызметінің хабарламасында.

Мәлімделген тауардың артық салмағы – 34,5 тонна. Мәлімделмеген тауардың негізгі салмағы – 5,9 тонна болу керек. Олар шекара арқылы тәпішке, халат, әйелдер шарфы, футболкалар, жейделер, курткалар және басқа да киімдерді тасымалдауға тырысты.

– Дұрыс мәлімделмеген тауардың және декларацияланбаған тауардың жалпы кедендік құны 187,2 миллион теңгені құрады. Олар бойынша тиесілі кедендік төлемдер мен салықтар – 80,7 миллион теңге, – деп атап өтті комитетте.

Процессуалдық шешім қабылдау үшін материалдар Маңғыстау облысы бойынша Экономикалық тергеу департаментіне жолданды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары