Жаңалықтар 04.05.2021 сағат 17:40

«Жұмысқа орналастырамын» деп 15 адамды алдаған алаяқ ұсталды

Өтініш берген үміткерлермен ол телефон арқылы сұхбат жүргізіп, әр үміткерден "көмегі" үшін 100 мың теңгеден алған.
«Жұмысқа орналастырамын» деп 15 адамды алдаған алаяқ ұсталды
фото: tengrinews.kz
Бөлісу
Бөлісу
Бөлісу

Ақтөбе облысы Байғанин ауданында 15 адам мұнай компаниясына жұмысқа орналастырамын деп уәде берген алаяқтың құрбаны болды, - деп хабарлайды tengrinews.kz "Мой город"-қа сілтеме жасап.

Полиция мәліметі бойынша, Маңғыстаудың 23 жастағы тұрғыны әлеуметтік желілерде Атырау облысындағы "Теңіз" мұнай компаниясына жұмысқа қабылдау туралы хабарлама берген. Өтініш берген үміткерлермен ол телефон арқылы сұхбат жүргізіп, әр үміткерден "көмегі" үшін 100 мың теңгеден алған. Ақшаны алғаннан кейін күдікті жұмыс мәселесі шешілетінін айтып, кейін байланысқа шығуын тоқтатқан.

Жалпы күдіктінің қармағына 15 тұрғын іліккен. Адамдар алданғанын түсінген кезде полицияға арыз жазған.

Ведомство өкілдері тергеу барысында күдікті бірнеше өңір тұрғындарын алдағаны анықталғанын айтты. Ол ақшаны букмекерлік кеңсе ойындарына тіккен.

"Бұл дерек бойынша ҚР ҚК-нің 190-бабы 3-бөлігі "Алаяқтық" бойынша соталды тергеу жүргізіліп жатыр. Күдікті уақытша ұстау изоляторына қамалды", - деді полиция баспасөз қызметіндегілер.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар