Жаңалықтар 11.05.2021 сағат 19:40

Ақмола облысында 10 жасар бала пойыз астына түсіп, көз жұмды

4-ші сынып оқушысы теміржолдың рұқсат етілмеген жерінен өтпек болған.
Ақмола облысында 10 жасар бала пойыз астына түсіп, көз жұмды
Фото: ашық дереккөзі
Бөлісу
Бөлісу
Бөлісу

Ақмола облысының Ерейментау станциясында 10 жастағы мектеп оқушысы пойыз астына түсіп, көз жұмды, деп хабарлайды Stan.kz.

Ерейментау ауданы әкімінің орынбасары Баттал Ыбраевтің айтуынша, қайғылы оқиға демалыс күні, 10 мамырда болған. Теміржол бала тұратын үйге жақын орналасқан.

"Оқиғаға байланысты тергеу шаралары жүргізіліп жатыр. 4-сынып оқушысы теміржолдың рұқсат етілмеген жерінен өтпек болған. Ол жерде белгіленген теміржол өтпесі жоқ. Одан әрі көпір бар, автобустар жүреді. Бала, өкінішке орай, осы уақытта ересектердің қадағалауынсыз болған", - деп түсіндірді Ыбраев.

Сонымен қатар, көліктегі полиция департаментінің баспасөз қызметінен мәлім еткендей, аталған факті Нұр-Сұлтан станциясындағы желілік полиция басқармасының сотқа дейінгі тергеудің бірыңғай тізіліміне тіркелді.

"Тергеу жүргізілуде. Өзге ақпарат ҚР Қылмыстық іс жүргізу кодексінің 201-бабының талаптарына сәйкес жария етілмейді", - деп толықтырды ведомстводан.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар