Жаңалықтар 21.05.2021 сағат 23:35

Алматы облысында ер адам дәрігерді тұншықтырып, ұрып тастады

Ер адамның вакцина алуға келген.
Алматы облысында ер адам дәрігерді тұншықтырып, ұрып тастады
Бөлісу
Бөлісу
Бөлісу

Алматы облысында ер адам дәрігерді ұрып тастады. Оқиға 21 мамырда Ескелді аудандық ауруханасында болған, деп хабарлайды Stan.kz.

Облыстық денсаулық сақтау басқармасының баспасөз қызметі ер адамның вакцина алуға келгенін атап өтті. Дәрігер түсіндіру жұмыстарын жүргізе бастаған уақытта науқас ашулы күйде болды. Ол өзін дұрыс ұстамай дәрігерге дөрекі сөйледі.

Медицина қызметкерінің ескертуі бойынша науқас балағат сөздер айтып, дәрігерге шабуыл жасады. Ол дәрігерді ұрып, тұншықтыра бастады, беті мен мойнына бірнеше соққы берді. Оқиға орнына полиция шақырылды. Қазір дәрігер амбулаториялық емдеуде. Миы шайқалып, денесі көгерген. 

"Бұл факт полицияда тіркелді. Қарабұлақ ауылының 31 жастағы тұрғынына қатысты "Денсаулыққа қасақана жеңіл зиян келтіру" бабы бойынша әкімшілік іс қозғалды. Сот-медициналық сараптаманың қорытындысын алғаннан кейін материал процессуалдық шешім қабылдау үшін сотқа жіберіледі", - деп атап өтті Алматы облысы ДП баспасөз қызметі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар