7 маусымға арналған ауа райы болжамы

Республиканың кей аумағында шаңды дауыл соғады, кей өңірлерде қатты ыстық болады.

Синоптиктер 7 маусымға арналған ауа райы болжамын жариялады, деп хабарлайды Azattyq Rýhy «Қазгидромет» РМК баспасөз қызметіне сілтеме жасап.

«Республиканың басым бөлігінде атмосфералық фронтальдық бөліктердің әсерінен тұрақсыз ауа райы сақталады, кей жерлерде жаңбырмен бірге найзағай болады, республиканың батысында бұршақ жаууы мүмкін, тек республиканың қиыр солтүстігі мен шығысында жауын-шашынсыз ауа райы болады. Республиканың кей жерлерінде желдің күшеюі, дауыл, шаңды дауыл, солтүстікте тұман болады», - дейді синоптиктер.

Жамбыл облысының кей жерлерінде найзағай ойнап, жел 15-20, екпіні 23-28 м/с күшейеді.

Түркістан облысының кей жерлерінде найзағай, дауыл, шаңды дауыл болып, жел 15-20, күндіз екпіні 25 м/с күшейеді.

Қызылорда облысының кей жерлерінде күндіз найзағай, шаңды дауыл болады, кей жерлерде жел 15-20 м/с күшейеді.

Маңғыстау, күндіз Қарағанды облысының кей жерлерінде найзағай ойнайды, жел 15-20 м/с күшейеді, Маңғыстау облысының кей жерлерінде бұршақ жаууы мүмкін.

Алматы, Қостанай облыстарында найзағай, жел 15-20 м/с күшейеді.

Солтүстік Қазақстан, Павлодар облыстарында түнде және таңертең кей жерлерде тұман түседі.

Батыс Қазақстан облысының кей жерлерінде найзағай ойнайды, бұршақ жаууы ықтимал.

Атырау, күндіз Ақмола облыстарының кей жерлерінде найзағай ойнайды.

Жамбыл, Түркістан облыстарының басым бөлігінде күндіз, Алматы облысының кей жерлерінде қатты ыстық болады.

«Қызылорда, Жамбыл, Түркістан, Ақтөбе, Қарағанды облыстарының басым бөлігінде, Алматы, Атырау, Қостанай, Ақмола, Павлодар, Шығыс Қазақстан облыстарының кей жерлерінде өте жоғары өрт қаупі сақталады», - делінген хабарламада.