«Мұндай жағдай болмауы керек» - Алматы әкімі субұрқақтағы оқиға туралы

Бұған дейін Алматыда субұрқақта екі қыз бен анасын ток соққан еді.

Фото: ашық дерекөз

Алматы әкімі Бақытжан Сағынтаев цирк маңындағы субұрқақта екі қыз бен анасын ток ұрған оқиғаға қатысты Twitter-де жазба жариялады, - деп хабарлайды Tengrinews.kz.

"Цирктегі субұрқақта қыздар және біреуінің анасымен орын алған қайғылы оқиға полицияның тергеуінде. Мұндай жағдай болмау керек. Зардап шеккендердің тезірек сауығып кетуіне тілектеспін", - деп жазды Бақытжан Сағынтаев.

Бұған дейін Алматыда субұрқақта екі қыз бен анасын ток соққаны хабарланған болатын.