Жаңалықтар 25.06.2021 сағат 10:00

АҚШ-та көпқабатты үй құлап, 100-ге жуық адам қиранды астында қалды (ВИДЕО)

Жергілікті БАҚ-тың кейінгі мәліметі бойынша, үш адам қаза тауып, кем дегенде тоғыз адам жараланған.
АҚШ-та көпқабатты үй құлап, 100-ге жуық адам қиранды астында қалды (ВИДЕО)
Фото : Miami Beach Police Department
Бөлісу
Бөлісу
Бөлісу

Майами (Флорида) аумағына кіретін Сурфсайд қаласында көпқабатты үй құлады. Жергілікті Local 10 телеарнасының мәліметінше, жүзге жуық адамның тағдыры белгісіз болып отыр, - деп хабарлайды РИА Новости.

Ғимаратта 130 пәтердің жартысына жуығы қираған. Төтенше жағдай орнына 80-нен аса құтқару тобы жіберілді.

Майами-Дейд полициясының директоры Фредди Рамирестің айтуынша, полиция 53 тұрғынмен байланыс орнатқан, бірақ тағы 99 адам із-түзсіз қалып отыр. Ассошиэйтед Пресс агенттігі бұл аймақта ресейлік иммигранттар мен ортодоксиялық еврейлердің отбасы тұратынын атап өтті. Агенттік хабарына қарағанда, апат кезінде жоғалған 99 адамның 22-сі Латын Америкасы елдерінен.

Жергілікті БАҚ-тың кейінгі мәліметі бойынша, үш адам қаза тауып, кем дегенде тоғыз адам жараланған. Қазір 40-қа жуық адам құтқарылғаны белгілі.

Майами-Дейд округінің мэрі Даниэлла Лавин Кава төтенше жағдай туралы қаулыға қол қойды, ол қажетті федералдық ресурстар алуға көмектеседі. Мэр апат себебін тексеруге инженерлер жұмылғанын айтты, әзірше үй неге құлағаны белгісіз.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар