Жаңалықтар 26.06.2021 сағат 16:57

Қазақстан мен Беларусь Президенттері көпжақты ынтымақтастықты нығайту перспективасын талқылады

Президенттер өңірдегі эпидемиологиялық ахуал жайында пікір алмасты.
Қазақстан мен Беларусь Президенттері көпжақты ынтымақтастықты нығайту перспективасын талқылады
Фото: akorda.kz
Бөлісу
Бөлісу
Бөлісу

Беларусь тарапының бастамасы бойынша Президент Қасым-Жомарт Тоқаев Александр Лукашенкомен телефон арқылы сөйлесті. ҚазАқпарат бұл туралы Ақордаға сілтеме жасап хабарлайды.

Әңгімелесу барысында мемлекет басшылары Қазақстан мен Беларусь арасындағы көпжақты ынтымақтастықтың, стратегиялық серіктестік пен одақтастықтың қазіргі жағдайын және оны нығайтудың перспективаларын талқылады.

Тараптар өзара сауда-саттық көлемін арттыруға, машина жасау, ауыл шаруашылығы, көлік және басқа да салалардағы бірлескен жобаларды жүзеге асыруға мән бере отырып, сауда-экономикалық ықпалдастық пен өндірістік кооперацияны жан-жақты жандандыруға ерекше назар аударды.

Бұдан бөлек Президенттер өңірдегі эпидемиологиялық ахуал, сондай-ақ екі ел халқын жаппай вакциналау үшін қабылданып жатқан шаралар жайында пікір алмасты. Осы ретте Мемлекет басшылары COVID-19 пандемиясының теріс салдарын еңсеру жөніндегі үйлесімді іс-қимылдарды жалғастыруға ниетті екенін нақтылады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар