Жаңалықтар 29.07.2021 сағат 11:20

«Қаладан кетсін»: Қарағандыда жиын өткізбек болған ЛГБТ мүшелерін тұрғындар қуып шықты (ВИДЕО)

Оқиға орнынан түсірілген видеодан арнайы жасақтың ғимаратты қоршауға алғанын көруге болады.
Бөлісу
Бөлісу
Бөлісу

Қарағанды қаласында жүздеген адам бизнес орталықтың алдына жиналып, ЛГБТ қауымдастығы өткізген тренингке наразылық білдірді, деп хабарлайды Stan.kz.

Оқиға орнынан түсірілген видеодан арнайы жасақтың ғимаратты қоршауға алғанын көруге болады.

Ер адамдар:  "Сыртқа шығарып тастаңдар! Аллаху әкбар!", - деп айқайлайды. Ал полиция қызметкерлері дауыс зорайтқыш арқылы оларды сабырға шақырады. Одан кейін ғимараттан бірнеше адам шығып, көлікке отыра бастады. Осы кезде жиналғандар одан да қатты айқайлайды. "Міне, жігіттер! Бәрі шықты! Енді сабыр етіңдер! Болды енді", - дейді полицейлер.

Айта кетсек, 28 шілде күні Қарағандыға ЛГБТ қауымдастығының өкілдері келген. Олар Абай көшесінде орналасқан бизнес орталықта кабинет жалдап, тренинг өткізбекші болыпты. Бірақ оны естіген жергілікті тұрғындар наразылық білдіріп, тренингті тоқтатуды талап етті. Ал тәртіп сақшылары жағдайды ушықтырмау үшін арнайы жасақтың көмегімен ғимаратты қоршауға алды. Сосын ЛГБТ өкілдерін көлікке отырғызып, қауіпсіз жерге шығарды.

Қазіргі кезде қауымдастықтың белсенді өкілдері Қарағанды облысынан кетіп қалған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар