$ 448.15  483.46  4.86

«Коронавирус инфекциясын шашады»: Маңғыстауды дүрліктірген ақпарат рас па?(ВИДЕО)

Аймақта эпидемиологиялық жағдай әлі де тұрақсыз.

Ақтау тұрғындары арасында 6-8 тамызда Маңғыстау облысы аумағына "коронавирус инфекциясын шашады" деген ақпарат тарады, - деп хабарлайды Tengrinews.kz тілшісі "Лада" басылымына сілтеме жасап.

Аудиожазбада айтылған мәліметке сүйенсек, әйелдер арасында 13 тамыздан бастап "Ана мен бала" облыстық перинаталдық орталығына вирус жұқтырған жүкті әйелдер мен балалар түсе бастайды деген жалған ақпарат тараған.

Маңғыстау облысы Денсаулық сақтау басқармасының баспасөз қызметі бұл ақпарат жалған екенін ресми түрде мәлім етті.

"Маңғыстау облысы Денсаулық сақтау басқармасының биыл 29 шілдедегі бұйрығына сәйкес, "Ана мен бала" облыстық перинаталдық орталығында жүкті, босанатын және босанған әйелдерге арналған 85 инфекциялық төсек-орын орналастырылған. Оның ішінде 12 төсек реанимациялық және бес төсек қарқынды бақылау бөлмесінде. Бүгінде 69 науқас бар. Күн сайын 12-ден 16-ға дейін пациент шығарылады.

Аймақта эпидемиологиялық жағдай әлі де тұрақсыз. Ауруханаға түскендер мен шығарылғандар саны шамамен тең. Біз жұртты дүрбелеңге түспеуге шақырамыз. Өңірдің денсаулық сақтау басқармасы тарапынан бөлімшелерді қосымша босату қажет екені туралы өкім болған жоқ. Біз бәрін ресми ақпаратқа сенуге шақырамыз", - деді департаменттегілер.

Өңірдің қоғамдық коммуникациялар орталығы құқық қорғау органдары жалған ақпарат таратқан әйелдердің жеке басын анықтап жатқанын атап өтті.

Сондай-ақ, әлеуметтік желілерде арнайы құрылғылар COVID-19 белгілерін тудыратын заттарды атмосфераға шашады деген жаңалықтар белсенді түрде тарап жатыр.

Санитарлық-эпидемиологиялық бақылау департаменті баспасөз қызметінің ақпараты бойынша, ашық станцияларда (алаңдар, көшелер, скверлер және т.б.) профилактикалық дезинфекция жұмыстарын жүргізу көзделмеген.

"Құрметті тұрғындар, сіздерді әлеуметтік желілерде жалған ақпарат таратпауға және тек ресми ақпарат көздеріне сенуге шақырамыз. Көрінеу жалған ақпарат таратқаны үшін Қазақстан Республикасы Қылмыстық кодексінің 274-бабына сәйкес қылмыстық жауапкершілік көзделгенін еске саламыз", - деді орталықтағылар.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#коронавирус