$ 449.58  486.94  4.86

Шымкент әкімдігі қызметкерлері ұсталғаны туралы ақпаратқа жауап берді

11 тамызда сыбайлас жемқорлыққа қарсы қызмет Шымкент қаласының мәдениет, тілдерді дамыту және архивтер басқармасының лауазымды тұлғаларын 80 миллион теңге көлемінде пара беруге әрекет жасады деп күдікке ілінгені туралы хабарланған болатын.
Фото: ашық дереккөзі
Фото: ашық дереккөзі

Шымкент қалалық мәдениет басқармасы осы бөлімнің бірнеше қызметкері пара беруге әрекет жасады деп күдікке ілігеннен кейін ұсталғаны туралы ақпаратты жоққа шығаратын мәлімдеме таратты, - деп хабарлайды Tengrinews.kz тілшісі.

"Әлеуметтік желілер мен БАҚ-та жарияланған материалдарға сәйкес мәлімдейміз.

Шымкент қаласының мәдениет, тілдерді дамыту және архивтер басқармасының лауазымды тұлғалары (басшы, басшының орынбасарлары) бәрі жұмыс орнында екенін назарларыңызға жеткіземіз. Сонымен қатар, еңбек демалысында жүрген 3 маманнан басқа қызметкерлер де түгел жұмыс орнында.

Басқармаға құқық қорғау органдары тарапынан ресми хат түскен жоқ", - делінген ведомствоның Instagram-парақшасында.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#Шымкент