Жаңалықтар 16.08.2021 сағат 09:40

Атырауда вакцина алғандар арасында миллион теңгелік сертификаттар ойнатылады

Ұтыс ойыны қазан айына дейін жалғасады.
Атырауда вакцина алғандар арасында миллион теңгелік сертификаттар ойнатылады
Бөлісу
Бөлісу
Бөлісу

Атырауда вакцина алып, ұтысқа ие болған жеңімпаздарға 200 мың теңгенің сертификаттары тапсырылды. Бұл туралы Атырау облысы өңірлік коммуникациялар қызметі мәлімдеді, деп хабарлайды Stan.kz ақпарат агенттігі. 

"Вакцина сал да, ақшалай сыйлыққа ие бол!" ұтысының 11 тамызда төртінші кезеңі қорытындыланып, 10 жеңімпаз анықталды. Олардың әрқайсысы 200 мың теңгенің сертификатына ие болды.
Жеңімпаздар қатарында түркістандық Байқоныс Сәрсембаев та бар. Ол Атырауға ауысымдық жұмысқа келіп, жергілікті вакцинациялау пунктінен екпе алған.

“Өте қуаныштымын! Бұйырған кетпейді екен. Жұмысқа барар алдында, өз денсаулығым үшін екпе алғанмын. Бірақ, ақша ұтамын деп мүлде ойламаған едім”, – дейді Б.Сәрсембаев.

Еске сала кетейік, Атырауда аталған ұтыс ойыны биылғы жылдың 30-шы маусымынан басталды.
Осы уақытқа дейін, 32 жеңімпаз анықталды.
Оның екеуі 3 миллион теңгенің иегері. Ұтыс ойыны қазан айына дейін жалғасады. Ал, қыркүйекте осы айдың соңына дейін вакцинацияланғандар арасында 1 миллион теңгелік сертификаттар ойнатылады.

Еске сала кетелік, "Азаматтық альянс" ұйымының бастамасымен іске қосылған ұтыс акциясының жалпы жүлде қоры - 40 миллион теңге.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар