БҚО-да тергеуші параға қой алды деген күдікке ілінді

Сыбайлас жемқорлыққа қарсы қызмет БҚО полиция қызметкеріне қатысты пара беру ісін тергеп жатыр, - деп хабарлайды Tengrinews.kz.

Полиция мәліметінше, іс бойынша тексеру жүргізіліп жатыр. Полиция қызметкері сыйақы алғанын жоққа шығарады.

"Бұл оқиға қалалық кафелердің бірінің маңында болған. Адамдар полиция қызметкері өзіне тиесілі көліктің багажына қой салып жатқанын көрген. Қойды дәмхана иесі пара ретінде берді деп күдіктелген. Бірақ ол қойды сыйлық ретінде бергенін айтты. Қызметкердің өзі малды 40 мыңға сатып алғанын айтады. Іс жүргізіліп жатыр" , - деді БҚО полиция департаментінің ресми өкілі Болатбек Белгібеков.

Полиция қазір екі полиция қызметкеріне қатысты соталды тергеу басталғанын айтты.

"БҚО ПД Ішкі қауіпсіздік бөлімінің қызметкерлері кезекті тексеріс кезінде Жәнібек ауданының полиция қызметкерінің ақшалай сыйақы алғанын анықтады, сонымен қатар тергеушілердің бірі сыбайлас жемқорлық құқық бұзушылық жасады деп күдіктелді", - деді БҚО полиция департаментінің баспасөз қызметіндегілер.

Департамент құқық бұзушылық жасаған Жәнібек аудандық полиция қызметкері уақытша қызметінен босатылғанын хабарлады. Тергеушінің кінәсі әлі дәлелденген жоқ, бірақ ол іс аяқталғанға дейін қызметінен шеттетілді.