Көкшетаудағы Уәлиханов университетінде (Ualikhanov University) қоңыраудың орнына Иманбек Зейкеновтің Rose’s туындысына жасаған ремиксі ойнатылуда. Бұл туралы университет проректоры Ғалым Байтүк Facebook-те жазды, деп хабарлайды Stan.kz ақпарат агенттігі.
"Біздің креатив. Ualikhanov University-де жаңа қоңырау. Шоқан Уәлиханов атындағы Көкшетау университетінің студенттік парламенті Грэмми сыйлығының лауреаты (соңғысы емес деп сенеміз) – Иманбекті қолдау туралы шешім шығарды.
Rose's туындысы студенттерді сабаққа және үзіліске шақырады. Иманбек талантының танылуына қарсы болмайды деп үміттенемін", – деп жазды проректор.