Жаңалықтар 04.09.2021 сағат 21:22

Елордада жүгіруге шыққан әйелді 20 жастағы жігіт зорламақ болды

Ол тұрақты жұмыс орны жоқ 20 жастағы жігіт болып шықты.
Елордада жүгіруге шыққан әйелді 20 жастағы жігіт зорламақ болды
Фото: ашық дереккөзі
Бөлісу
Бөлісу
Бөлісу

Нұр-Сұлтанда белгісіз біреу жүгіруге шыққан әйелді зорламақ болды. Елордалық полицейлер күдіктіні ұстады, - деп хабарлайды Tengrinews.kz тілшісі Полиция департаментінің баспасөз қызметіне сілтеме жасап.

Сағат 19.34-те 102 арнасына бір жігіттің әйелді зорламақ болып, кейін қашып кеткені туралы хабарлама түсті.

"42 жастағы әйел Момышұлы көшесіне жүгіруге шыққанда, артынан күдікті ер адам жүріп бара жатқанын байқағаны анықталды. Жәбірленушінің айтуынша, оның қолында екі пакет болған. Кейінірек ол жасырыну үшін киімін ауыстырғысы келгені белгілі болды", - деп хабарлады ДП өкілдері. 

Полиция мәліметінше, қаскүнем мас күйде әйелді ұстап алып, оны жерге құлатып, күш қолдана бастаған.

"Абырой болғанда, жолаушылар айғайды естіп, көмекке асықты. Бей-жай қарамайтын азаматтарды көріп, қылмыскер қашып үлгерді. Осы ақпарат 102-ге түскеннен кейін қаскүнемді ұстау үшін дереу полиция департаментінің жеке құрамы бағдарланды. Күдікті "ізін суытпай" ұсталды. Ол тұрақты жұмыс орны жоқ 20 жастағы жігіт болып шықты", - деді полиция өкілдері.

Аталған дерек бойынша қылмыстық іс қозғалып, тергеу амалдары жүріп жатыр. Күдікті уақытша ұстау изоляторына қамалды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар