Жаңалықтар 07.09.2021 сағат 12:40

Үндістанда әлемдегі ең қауіпті вирустардың бірі өрши бастады

Адам құрамында жануардың сілекейі бар тағамды жесе, дертті жұқтырады.
Үндістанда әлемдегі ең қауіпті вирустардың бірі өрши бастады
Фото: ашық дереккөзі
Бөлісу
Бөлісу
Бөлісу

Үндістанда өлімге әкелетін нипах вирусы өрши бастады. Аурудың белгілері 11 адамнан анықталды деп хабарлайды РИА Новости.

Ауру ошағы Керала штатында тіркелді. Штаттың денсаулық сақтау министрі Вина Джорджтың айтуынша, дертті жұқтырғандардың жағдайы тұрақты деп бағалануда.

"Кожикоде ауруханасы мен медициналық колледжінде 38 адам оқшауланған, олардың 11-де ауру белгілері пайда болды. Сегіз адамның сынамасы Ұлттық вирусология институтына сараптамаға жіберілді", - дейді Джордж.

Алайда, қазірдің өзінде вирустан қайтыс болған адам бар. Ол - 12 жастағы бала. Бүгінде дәрігерлер қайтыс болған баламен байланыста болған 251 адамды тексеруде. Дүниежүзілік денсаулық сақтау ұйымы нипах вирусын әлемдегі ең қауіпті вирус деп сипаттайды. Вирус жарқанаттар мен түлкілер арқылы таралуы мүмкін. Адам құрамында жануардың сілекейі бар тағамды жесе, дертті жұқтырады.

Өкінішке қарай, бұл вирустың емі жоқ, өлім деңгейі өте жоғары - 40-75 пайыз. Еске салсақ, бұған дейін Дүниежүзілік денсаулық сақтау ұйымы коронавирустың "Му" атты жаңа түрі тарала бастағанын мәлімдеген еді. Ұйым жаңа мутация ерекше бақылауда болатынын хабарлады. Коронавирсутың "Му" нұсқасы B.1.621 атымен де белгілі.

Ол әлемнің 39 елінде таралып үлгергендіктен, 30 тамызда ДДСҰ оны бақылаудағы аурулар тізіміне енгізуді ұйғарған. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар