Жаңалықтар 19.09.2021 сағат 21:32

Қарағанды облысында дала өртін сөндіруге көмектескен адам қайтыс болды

Тағы екі зардап шегуші ауруханада жатыр. Олардың жағдайы қалыпты, дейді дәрігерлер.
Қарағанды облысында дала өртін сөндіруге көмектескен адам қайтыс болды
Бөлісу
Бөлісу
Бөлісу

Қарағанды облысында дала өртін сөндіру кезінде үш адам зардап шеккен. Денесін 90% күйік шалған ер адам ауруханада көз жұмды, деп хабарлайды Stan.kz ақпарат агенттігі "Хабар 24"-ке сілтеме жасап.

Облыстық төтенше жағдайлар департаментінің мәліметінше, 17 және 18 қыркүйекте Қарағанды облысының аумағында Ақтоғай, Қарқаралы және Шет аудандары аумағында алты дала өрті сөндірілген. 

"Қарқаралы ауданы Балқантау ауылдық округінде болған табиғи өртті жою кезінде Егіндібұлақ ауылының 1989, 1979 және 1973 жылы дүние келген үш тұрғынының денесін күйік шалып, ауруханаға жеткізілді. Олар 18, 28 және 90% термиялық күйік алған", - деді төтенше жағдайлар департаменті.

"Хабар24" арнасы мәлімдегендей, денесінің 90% күйіп қалған 48 жастағы ер адам ауруханада қайтыс болды. Тағы екі зардап шегуші ауруханада жатыр. Олардың жағдайы қалыпты, дейді дәрігерлер.

Айта кетейік, өртті сөндіруге 300-ден астам адам мен 90-нан астам техника жұмылдырылды.

Қарағанды облысының Төтенше жағдайлар департаментінде дала өрттерін сөндіруге қатысу кезінде қауіпсіздік шараларын қатаң сақтауды еске салды.

"Өз күштеріңіз бен мүмкіндіктеріңізді объективті түрде бағалаңыз. Өртке жақын және басқа да қауіпті аймақтарға жақындамаңыз", - деп ескертті құтқарушылар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар