«Халықтың тұрмыс жағдайы өте нашар!» – Мұхтар Тайжан (ВИДЕО)

Ай сайын бірнеше рет ауылдарға барып тұрамын. Сонда байқағаным, халықтың тұрмыс жағдайы өте нашар! Азық-түлік дүкендері тамақты қарызға беріп жатыр. Бұл туралы белгілі қоғам қайраткері, саясаттанушы Мұхтар Тайжан Qasqa Jol Youtube арнасында журналист Абай Сейфуллаға берген сұхбатында айтты деп хабарлайды Paryz.kz. 

Оның айтуынша, мұны шенеуніктер білмейді.

Өйткені олар бизнескласпен ұшады, оларды Mersedes көлігімен күтіп алады. Олар елді араламайды, жолдардың сапасыз екенін, халықтың немен күнкөріп отырғанын білмейді. Тек таза кабинеттерде ғана болады. Халықтың шынайы өмірінен бейхабар. Базарға бармайды, егер барса, тұрғындардың жай-күйін білер еді. Халықтың денсаулығы да оңып тұрған жоқ, - дейді ол.