Жаңалықтар 12.10.2021 сағат 10:00

«Әлі тот басқан қаңылтырына да зар боламыз»: журналист Ресейден келетін көліктерге қатысты ойымен бөлісті

Утильсбор біздің қоғамның айықпас дертіне айналды. Оны жете түсінетін халық болса мейлі ғой...
«Әлі тот басқан қаңылтырына да зар боламыз»: журналист Ресейден келетін көліктерге қатысты ойымен бөлісті
Фото: Facebook/Бекболат Қаржан
Бөлісу
Бөлісу
Бөлісу

Ресейден келген көліктерге енді полициялар қырғидай тиетін болды. Олардың саны нақты қанша екенін білмеймін. Бірақ өте көп екенін білемін, дейді журналист Бекболат Қаржан.

Бұдан былай Ресейден, Армениядан алып келген көліктерге кедендік бақылау жүріп, айып тұрағына жөнелтілетін болыпты. Өкімет бекіткен мерзім аяқталды деп отыр.

Қазақстанға сор болып отырған утильсбордың кесірінен жұртшылық дұрыс көлікке қол жеткізе алмай отырғанда, енді Ресейдің тот басқан қаңылтырларына да зар болатын сияқтымыз. Кедендік одақ арқылы қоқыстарын өткізіп жіберген, оның тетіктерін батыл іске асырған ресейлік лоббисттер жеңіске жетті. Мойындауымыз керек. Бұл процесс неге бұлай кетіп барады?

Утильсборды қолдан жасап алып, экология және индустрия министрлігіне жауапкершілікті лақтырып тастап, халықтың қалтасын қағып алып отырған "Оператор РОП" ЖШС-нің лоббисттері болса тасада отырып, қазақстандық көлік индустриясының қанын сүлікше сорумен келеді. Қазір қоғамның аса көп бөлігінің астына мінгені Ресейдің сақырлақ, тот басқан қаңылтырлары. Ертең шетінен айып тұрағына қойылса, қоғамның ортасынан от шығып кетпесіне ешкім де кепілдік бермейді.

Утильсбор біздің қоғамның айықпас дертіне айналды. Оны жете түсінетін халық болса мейлі ғой... Қазақтың әрбірінің жеке басына соқтыққанда ғана басына ми кіреді, дейді ол жазбасында.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар