$ 449.58  486.94  4.86

Нұр-Сұлтан тұрғыны полиция қызметкерлерін қарумен қорқытты

Оқиға 21 қазанда болған. Таңғы 6.00-да тәртіп сақшыларына кішкентай баладан әкесі шешесін ұрып жатқаны туралы хабарлама келген.
Фото: ашық дереккөз
Фото: ашық дереккөз

Нұр-Сұлтан тұрғыны әйелін ұрып-соғып, құтқаруға келген полицияны қару-жарақпен қорқытқан, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.

Оқиға 21 қазанда болған. Таңғы 6.00-да тәртіп сақшыларына кішкентай баладан әкесі шешесін ұрып жатқаны туралы хабарлама келген. Оқиға орнына полиция қызметкерлері жіберілді.

"Айтматов көшесіндегі үйдің ауласында 45 жастағы әйел күйеуінің жанжал кезінде ұрып-соғып, қуып жібергенін айтқан. Полиция қызметкерлері үшінші қабатқа көтеріліп ер адамның есігін қақты, бірақ ол жауап ретінде біреу жақындаса оқ ататынын айтты", - делінген хабарламада.

Пәтерде кәмелетке толмаған үш бала болған. Полиция 39 жастағы ер адамды ұстады. Одан ресми тіркелген қару тәркіленді.

"Ер адам полицияға жеткізілді, оның әрекетіне тиісті құқықтық баға беріледі. Бұл факт бойынша сотқа дейінгі тергеу басталды", - деп хабарлады департаменттен.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары