Жаңалықтар 28.10.2021 сағат 21:35

Көзін ағызып, қолын жұлып алған: Оралда күзетшілердің ісі бойынша үкім шықты

Іс бойынша айыпталушылардың бірі шымкенттік қызға бүйрегін берген Абзал Әділов болды.
Көзін ағызып, қолын жұлып алған: Оралда күзетшілердің ісі бойынша үкім шықты
Фото: ашық дереккөз
Бөлісу
Бөлісу
Бөлісу

Оралда ер адамды аяусыз өлтірді деп айыпталған жеке агенттік күзетшілерінің ісі бойынша үкім шығарылды, - деп хабарлайды Tengrinews.kz тілшісі.

Оқиға 2019 жылдың желтоқсанында болған. 32 жастағы Қуаныш Ахметов үйінен жаңажылдық корпоративке кетіп, қайта оралмаған.

"Сова" жеке күзет агенттігінің бұрынғы қызметкерлері Абзал Әділов, Аян Кафизов және Әбутәлі Қонысқалиға Қылмыстық кодекстің екі бабы - 106-бабы 3-бөлігі "Абайсызда жәбірленушінің өліміне әкеп соққан денсаулыққа қасақана ауыр зиян келтіру" және 252-бөлігі 2-бөлігі "Жеке күзет қызметі қызметшілерінің өкілеттіктерін асыра пайдалануы" бойынша айып тағылды.

"Сот Абзал Әділов пен Аян Қафизовты қылмыстары үшін кінәлі деп танып, 17 және 18 жылға бас бостандығынан айыру жазасын тағайындады. Әбутәлі Қонысқали 2 жыл 6 айға бас бостандығынан айырылды", - деді БҚО қылмыстық істер жөніндегі мамандандырылған ауданаралық сотының судьясы Шара Зайнуллина.

Марқұмның әпкесі Бақыт Ахметова үкіммен келіспейді. Ол соттан қатаң жаза тағайындауды сұрады.

"Олар ағамның көзін ағызып, қолын жұлып алды. Артында әкесін күнде сұрайтын кішкентай қызы қалды", - дейді ол.

Айта кетейік, іс бастапқыда Орал қалалық сотында қаралып, кейін басқа сотқа берілген еді.

Еске салайық, қайғылы оқиға 2019 жылдың желтоқсанында болған. Корпоративтен "көңілді" шыққан жігітті полиция наркологиялық диспансерге жеткізген. Ол жабық мекемеде бүлік шығарған соң, көмекке шақыртылған күзетшілер жігітті өлімші етіп, тепкінің астына алған. Ер адам жедел жәрдемде қайтыс болған еді.

Іс бойынша айыпталушылардың бірі шымкенттік қызға бүйрегін берген Абзал Әділов болды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар