Нұр-Сұлтанда арнайы техника жолаушылар автобусына соқтығысып, салдарынан үш жолаушы зардап шекті, - деп хабарлайды Tengrinews.kz.
CTS қалалық көлік компаниясы мәліметінше, оқиға сағат 13.30-да Тәшенова көшесі мен Республика даңғылы қиылысында болған.
"Арнайы техникамен (трактор) №2 автобус соқтығысқан. Оқиға салдарынан түрлі дене жарақаттарымен үш жолаушы ауруханаға жеткізілді", - деді компанияның баспасөз қызметі өілдері.
Іс материалдары процессуалдық шешім қабылдау үшін полиция бөліміне жолданатыны айтылды.