Жаңалықтар 02.11.2021 сағат 12:20

Екі өңірде мыңнан аса адам жүргізуші куәлігін сатып алған

Азаматтардың орнына емтиханды арнайы дайындалған адамдар тапсырған.
Екі өңірде мыңнан аса адам жүргізуші куәлігін сатып алған
Фото: Tengrinews.kz/Әлихан Сариев
Бөлісу
Бөлісу
Бөлісу

Сыбайлас жемқорлыққа қарсы қызмет мамандандырылған ХҚКО қызметкерлерінің азаматтарға жол қозғалысы ережелерін білуге теориялық емтихандарды тапсырмай-ақ, өткені туралы бланкілер бергені туралы заңсыз қызметін әшкереледі, - деп хабарлайды Tengrinews.kz.

"Қостанай және Ақмола облыстарының мамандандырылған ХҚКО қызметкерлерінің азаматтар жол қозғалысы ережелерін білуге теориялық емтихандарды тапсырмаса да, өткені туралы бланкілер берген. Азаматтардың орнына емтиханды арнайы дайындалған адамдар тапсырған", - деді сыбайлас жемқорлыққа қарсы қызмет агенттігі.

Сыбайлас жемқорлыққа қарсы қызмет агенттігінің хабарлауынша, Ақмола облысында бұл үшін емтихан компьютерлеріне қашықтан қол жеткізу қолданылған. Ал Қостанай облысында медициналық бетперде мен бас киім киген адамдар тесттерді тікелей емтихан сыныбында тапсырған.

Тергеу барысында 1000-нан астам жүргізуші куәлігін заңсыз беру дерегі тексеріліп, ЖҚЕ теориялық емтиханнан сәтті өткені туралы жалған емтихан анықтамалары алынған.

"Мұндай қылмыстар азаматтардың өміріне, денсаулығына және мүлкіне қауіп төндіреді. Мысалы, биыл наурызда Қостанай қаласында "М" азаматы көлік жүргізіп келе жатып, жол жүру ережелерін өрескел бұзып, "С" азаматының "Toyota Самrу" автокөлігімен соқтығысқан. ЖКО көліктерге айтарлықтай зиянын тигізді", - деді ведомствода.

Тергеу ақпаратына сәйкес, "М" азаматы теориялық және практикалық емтихандарды тапсырмай, жүргізуші куәлігін алған.

"Жалған куәлік алуға ақша төлеп, сіз бен біздің жақындарымызға қауіп төндіруі мүмкін. Анықталған бұзушылықтарға байланысты еліміздің мамандандырылған ХҚКО-ларында тексерулер жүргізіледі", - деді сыбайлас жемқорлыққа қарсы қызмет агенттігі.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар