Жаңалықтар 12.11.2021 сағат 19:35

Ж. Бекшин ревакцинацияның қажеттілігін түсіндіріп берді

Екпеден соң коронавирусқа қарсы иммунитет төмендейді, сондықтан ревакцинация қажет.
Ж. Бекшин  ревакцинацияның қажеттілігін түсіндіріп берді
Бөлісу
Бөлісу
Бөлісу

Алматыда әзірге жеткілікті ұжымдық иммунитет қалыптаспаған. Бұдан өзге, 22 қарашада мегаполисте ревакцинация науқаны басталады. Бұл туралы Өңірлік коммуникациялар қызметінде өткен баспасөз конференциясында қаланың бас санитарлық дәрігері Жандарбек Бекшин мәлімдеді, деп хабарлайды Skifnews.kz ақпараттық порталы.

Дерттің төмендегеніне қарамастан, Алматыда эпидемиологиялық ахуал бұрынғысынша күрделі күйінде қалуда. Санитарлық-эпидемиологиялық бақылау департаменті басшысының мәліметінше, соңғы аптада тұрғындар арасында КВИ-дің 1065 жағдайы тіркелген (бір апта бұрын олар 1398 болған), Өткен тәулікте - 146 жаңа инфекция. Қала елдегі эпидемиологиялық ахуалды бағалау матрицасының сары аймағында орналасқан.

Жандарбек Бекшиннің айтуынша, қалада коронавирустың таралуы жалғасуда, ал бұл вакциналанбаған азаматтар үшін ерекше қауіпті. Ол ересектерді одан әрі вакциналау және 12 жастан асқан жасөспірімдерге, жүкті және бала емізетін әйелдерге екпе салу арқылы ұжымдық иммунитетті 80%-ға дейін жеткізу қажеттігін атап өтті.

- Еске салсақ, ұжымдық иммунитет – инфекцияны тоқтатудың және халықтың бойында дертке қарсы қабілетті қалыптастырудың бірден бір жолы. Вакцинация және ревакцинация инфекцияның алдын алады. Әзірге біз иммундық қабаттың 56%-на жеттік. Бұл ретте тәулік сайын халықтың 0,1%-ы ғана вакцинацияланады. Ұжымдық иммунитеттің осындай қарқынымен кем дегенде 75%-ға біз келесі жылдың мамыр айында ғана қол жеткіземіз. Тағы да айта кетейін, вакцинацияны кешіктіру өте қауіпті, - деп бөлісті Бекшин.

Алматының бас санитарлық дәрігері вакцинация қарқынын арттырумен қатар, қала тұрғындары ревакцинацияға келуі керек екенін атап өтті.

- Бұл медицинада мүлдем қалыпты құбылыс, өйткені барлық инфекциялар бір рет ауырғаннан кейін тұрақсыз иммунитет береді. Көптеген вакциналар үшін белгілі бір уақыттан кейін қайта егу қажет, - деді ол.

Қалада коронавирусқа қарсы ревакцинация 22 қарашадан басталады.

«Ревакцинация өте қажет. Бұл ұжымдық иммунитетті қалыптастыруға көмектеседі және вирустың одан әрі мутациясына жол бермейді», - дейді Бекшин. - Біздің бақылауымыз бойынша, вакцинацияланған антиденелердің деңгейі уақыт өте келе, 6 айдан 9 айға дейін төмендейді, яғни аурудың ықтималдығы артады. Көптеген елдер қазірдің өзінде ревакцинация науқандарын белсенді жүргізуде. Бустерлік вакцинаны қарт адамдарға қолдану өте маңызды, өйткені Алматыда 60 жастан асқан адамдар арасында жұқтырудың 5 пайызға жуық өскені байқалады. Бұл ретте, мектеп оқушыларын вакцинациялау да өте маңызды.

Алматылық эпидемиологтардың мәліметінше, биыл қалада вакцинаның екі компонентімен егілгеннен кейін 2680 науқас тіркелген, оның ішінде 360 адам қайта ауырған.

Сауда объектілерінде, қоғамдық көліктерде, базарларда жұқтыру қаупі әлі де жоғары. Бұл анти-рейтингке жұмыста жұқтыру фактілері де кірді, яғни инфекцияның 9%-дан астамы жұмыс орныныда жұққан.

Айта кетерлігі, Алматыда мектеп оқушыларын, сондай-ақ жүкті әйелдер мен лактация кезінде әйелдерді қалалық емханаларда вакцинациялау басталады.

Ата-анасы балаға екпе салудан бас тартса, оны Қазақстан Республикасының Конституциясында кепілдік берілген денсаулықты қорғау құқығынан айырады әрі бала вакциналанбаса, ондан жұқтырудың ауыр түріне ұрынуы мүмкін. Айта кетерлігі, вакцинацияланған барлық жасөспірімдер, ересектер сияқты, вакцинация паспортын алады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар