Жаңалықтар 19.11.2021 сағат 01:20

Алматыда жаңажылдық кештер өткізуге тыйым салынды

Балабақшаларда жаңажылдық ертеңгіліктер өткізуге болмайды.
Алматыда жаңажылдық кештер өткізуге тыйым салынды
Бөлісу
Бөлісу
Бөлісу

Алматы коронавирус бойынша «жасыл» аймақта тұрса да, жаңа жыл кештері мен отырыстарын өткізуге тыйым салынады. Бұл туралы брифинг барысында Алматы қаласының бас санитар дәрігері Жандарбек Бекшин мәлім етті, – деп хабарлайды ҚазАқпарат. 

«Біз «қызыл», «сары», «жасыл» аймақта болсақ та, ұжымдық кештерге тыйым салынады. Бүгінгі күні вирус жұқтыру жағдайы сақталуда. Тіпті, «жасыл» аймақта болсақ та, бір тәулікте 120-130 адамнан коронавирус анықталып жатыр. Егер ұжымдық шараларды өткізетін болсақ, біз бірден «сары» емес «қызыл» аймаққа ораламыз. Біздің мақсатымыз карантин шараларын сақтауды одан әрі жалғастыру», – дейді Жандарбек Бекшин.

Сонымен қатар, ол мектепке дейінгі мекемелерде де ертеңгілік өтпейтінін тілге тиек етті.

«Балабақшаларда жаңажылдық ертеңгіліктер өткізуге болмайды. Бұл топтар арасында вирус жұқтыру қаупін тудырады», – деді ол.

Айқын.кз

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар