Алматыдағы көпқабатты тұрғын үйден секіріп өлген Бақтыгүл Қыдырбаева перзенттерімен жер қойнына табысталды. 4 адамның жаназасы Түркістан облысы, Қазығұрт ауданы, Үлгілі ауылындағы әйелдің келін болып түскен шаңырағынан шығарылды, деп хабарлайды Express Qazaqstan.
Бақтыгүл мен 3 перзенттің жаназасы бүгін түске таман келін болып түскен шаңырақтан шығарылды. Жерлеу рәсіміне ауыл имамы келіп жаназа намазын оқыды.
Әйелдің күйеуіне, туған-туыстарына жақындау мүмкін болмады. Қара жамылған үйдің кіре берісінде полицейлер күзетке тұрған.
Жаназаға келген жұрттың қарасы көп. Қаза болған әйел мен 3 баласы Үлгілі ауылы маңындағы бейітке жерленді.
Еске салайық бұған дейін үш бірдей кішкентай баласымен 28 жастағы келіншектің 9-шы қабаттан секіріп кеткенін жазғанбыз.