Жаңалықтар 25.11.2021 сағат 13:00

Нұр-Сұлтанда бір тәулікте 142 жол-көлік оқиғасы тіркелді

25 қарашада таңертеңнен бері қалада 45 жол-көлік оқиғасы болған.
Нұр-Сұлтанда бір тәулікте 142 жол-көлік оқиғасы тіркелді
Фото: ашық дерекөз
Бөлісу
Бөлісу
Бөлісу

Нұр-Сұлтан полицейлері қала тұрғындарына ескерту жасады, - деп хабарлайды Tengrinews.kz. 

Тәртіп сақшылары мәліметінше, елордада кейінгі тәулікте 142 жол-көлік оқиғасы тіркеліп, бес адам зардап шеккен.

25 қарашада таңертеңнен бері қалада 45 жол-көлік оқиғасы болған.

"Қалың қар жаууына байланысты елорда көшелерін арнайы техника тазартып жатыр. Тазалық жұмыстары тәулік бойы ұйымдастырылды. Жүргізушілерді абай болуға және жол бойына көліктерді қоймауға, қоғамдық көліктер қозғалысына және қар тазалау техникасы жұмысына кедергі жасамауға шақырамыз. Жол қозғалысы ережелерін, жылдамдықты шектеуді және қауіпсіз арақашықтықты қатаң сақтаңыз. Қарлы боран мен көктайғақ барлық жол қозғалысына үлкен қауіп төндіреді. Жүргізушілерге өз бағытын алдын ала жоспарлауды, маневр және тосыннан тежеуішті басу жағдайларын болдырмауды және қала сыртына шығудан бас тартуды ұсынамыз", - делінген хабарламада.

Жаяу жүргіншілерге де өте сақ болу ұсынылады. Сондай-ақ, полицейлер тұрғын үйлерге қызмет көрсететін компания өкілдерін аулаларды тазалау жұмыстарын уақытылы ұйымдастыруға шақырады.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар