Жаңалықтар 01.12.2021 сағат 11:38

Желтоқсан айында ауа райы қандай болады?

Желтоқсанның алғашқы күндерінде көптеген өңірлерде ауа райы жылы болады.
Желтоқсан айында ауа райы қандай болады?
Фото: Tengrinews.kz/Әлихан Сариев
Бөлісу
Бөлісу
Бөлісу

"Қазгидромет" синоптиктері желтоқсан айында республиканың басым бөлігінде ауа температурасы қалыпты болатынын мәлімдеді.

Желтоқсан айында ауа температурасы Қазақстанның оңтүстік жартысында климаттық нормаға сай, солтүстік жартысы мен батысында нормадан 1 градус жоғары болады деп күтіледі. Жауын-шашын мөлшері республиканың басым бөлігінде нормада, республиканың оңтүстік-батыс жартысында нормадан төмен, шығыста, солтүстік-батыста нормадан көп болады деп күтіледі.

Айдың басында Скандинавия аудандарынан суық ауа массаларының ағынымен атмосфералық фронттар тұрақсыз ауа райы болатынын болжайды. Республиканың қалған бөлігінде жауын-шашын күтіледі, оңтүстік облыстарда - жауынның арты қарға ауысады. Айдың ортасында елдің оңтүстік-шығысындағы таулы және тау бөктеріндегі аймақтарында қатты жауын-шашын, қатты жел соғып (15-23 м/с) арты бұрқасын, тұман, көктайғақ құбылыстарына жалғасады.

Желтоқсанның алғашқы күндерінде көптеген өңірлерде ауа райы жылы болады:

солтүстік жартысында ауа температурасы түнде-10-18°С-тан 0,-8°С-қа дейін, күндіз-3-8°С-тан -5+5°С-қа дейін көтеріледі;

республиканың оңтүстігінде - түнде -2+8°с дейін, күндіз + 10+18°С дейін.

Батыс өңірлерде, керісінше, ауа температурасы түнде 0, -8°С, күндіз 0,+7°С дейін төмендейді деп күтіледі.

Бірінші онкүндіктің ортасынан бастап Баренц теңізі аудандарынан солтүстік-батыс антициклонның басып кіруімен ауа температурасы төмендеуі мүмкін:

батыста, солтүстік-батыста түнде-7-15°С дейін, күндіз-5-11°С дейін;

солтүстікте, орталықта, шығыста түнде-18-26°С дейін, күндіз-10-18°С дейін;

оңтүстік-батыста түнде 0,-5°С дейін, күндіз +2+7°С дейін;

бірінші онкүндіктің соңында оңтүстікте, оңтүстік-шығыста түнде-5-13°С-қа дейін,күндіз 0-5°С-қа дейін;

Бірінші онкүндіктің соңында және екінші онкүндіктің басында Жерорта теңізінің шығыс жағалауындағы аудандардан жылы ауа массаларының кезекті шығарылуымен аяз әлсірейді деген болжам бар.

Республиканың солтүстік, шығыс және орталық аймақтарында желтоқсанның үшінші онкүндігінде түнде -27-35°С-қа дейін, күндіз-18-25°С-қа дейін жоғары қарқынды суық толқындарының қайтуы күтіледі. Қазақстанның батыс және оңтүстік өңірлерінде ауа температурасы түнде-5-15°С-тан 0,-5°С-қа дейін, күндіз 0,-10°С-тан 0,+5°С-қа дейін ауытқиды.

Күндізгі ауа температурасы +10°С жеткен кезде айдың ортасында оңтүстік және оңтүстік-шығыс аймақтарда ауа-райы жылы болады.

Қарлы боран мен желдің күшеюі айдың екінші және үшінші онкүндігінде Қазақстанның солтүстік жартысында және тау бөктерінде болады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар