Жаңалықтар 08.12.2021 сағат 16:40

Бейжің Олимпиадасына бойкот жариялаған елдердің саны артып келеді

6 желтоқсан күні АҚШ билігі 2022 жылғы қысқы Олимпиадаға дипломатиялық бойкот жариялаған болатын.
Бейжің Олимпиадасына бойкот жариялаған елдердің саны артып келеді
Фото: sportrg.ru
Бөлісу
Бөлісу
Бөлісу

Аустралия 2022 жылы Қытайдың Бейжің қаласында өтетін қысқы Олимпиада ойындарына АҚШ жариялаған дипломатиялық бойкотқа қосылды, деп хабарлады turkystan.kz.

Елдің премьер-министрі Скотт Моррисон Сиднейдегі баспасөз мәслихатында Аустралия атынан ресми өкілдердің қысқы Олимпиада ойындарына қатыспайтынын түсіндірді. Сонымен қатар, ел намысын қорғайтын құрама жоспарланған спорттық іс-шараларға қатысады.

Скотт Моррисонның айтуынша, бойкот туралы шешімді үкімет Шыңжаң-Ұйғыр автономиялық ауданындағы болжамды адам құқықтарының бұзылуына, сондай-ақ, Қытайдың Аустралияның ішкі істеріне араласуына және бірқатар басқа да мәселелерге байланысты қабылдаған. Сондай-ақ, шенеунік Бейжіңнің кезінде елге қарсы жариялаған сауда санкцияларын да ұмыт қалдырған жоқ.

Еске сала кетсек, 6 желтоқсан күні АҚШ билігі 2022 жылғы қысқы Олимпиадаға дипломатиялық бойкот жариялаған болатын. Бұл ресми тұлғалардың ойындарға барудан бас тартуын білдіреді. АҚШ-тан кейін Жаңа Зеландия билігі де XXIV қысқы Олимпиада ойындарына қатысудан бас тартты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар