Қазгидромет 14-16 желтоқсанға арналған арналған ауа райы болжамын жариялады.
Төмен температура күтіледі. Қазақстан аумағының басым бөлігінің ауа райын, Солтүстік-Батыс антициклоны айқындайтын болады. Ол қысқа мерзімді температураның төмендеуіне және жауын-шашынның тоқтауына алып келеді.
Республиканың оңтүстік өңірлері әлі де циклондардың фронтальды қызмет аймағында болады — мұнда жаңбыр мен қар түрінде жауын-шашын, көктайғақ құбылыстары мен тұман күтіледі.
Алайда кезеңнің соңына қарай солтүстік-батыс антициклон осы өңірлерді де қамтиды, осыған байланысты мұнда да температураның төмендеуі және жауын-шашынның біртіндеп тоқтауы болжанады. Мереке күндері Батысқа Скандинавия аймақтарынан циклон шұңқыры әсер ете бастайды — жауын-шашын, мұз күтіледі.
Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.