Жаңалықтар 18.12.2021 сағат 18:20

Нұр-Сұлтан мен 9 облыста тұман түсіп, көктайғақ болуы мүмкін

Елордада ертең тұман, көктайғақ күтіледі. Күндіз жаяу бұрқасын.
Нұр-Сұлтан мен 9 облыста тұман түсіп, көктайғақ болуы мүмкін
Фото: tengrinews.kz
Бөлісу
Бөлісу
Бөлісу

Нұр-Сұлтан мен 9 облыста тұман түсіп, көктайғақ болуы мүмкін, - деп хабарлайды Қазгидромет.

Батыс Қазақстан облысының солтүстігінде, солтүстік-шығысында көктайғақ күтіледі. 

19 желтоқсанда Шығыс Қазақстан облысының батысында, орталығында жаяу бұрқасын күтіледі. Жел оңтүстік-шығыстан, облыстың батысында, орталығында секундына 15-20 метр болады.

19 желтоқсанда Маңғыстау облысының солтүстігінде, солтүстік-батысында көктайғақ күтіледі. Облыстың басым бөлігінде тұман күтіледі. 

19-20 желтоқсанда Жамбыл облысының оңтүстік-батысында жел соғады, күші секундына 15-20 метр болады, 19 желтоқсанжа күндіз, 20 желтоқсанда түнде екпіні 23-28, кей уақыттарда секундына 30 метр және одан асатын жел күтіледі. 19-21 желтоқсанда Жамбыл облысының солтүстігінде, таулы және тау бөктерлі аудандарында тұман, көктайғақ күтіледі. 

19 желтоқсанда Қарағанды облысының түнде батысында, күндіз солтүстігінде, шығысында, орталығында көктайғақ күтіледі. Оңтүстіктен, оңтүстік-батыстан жел соғады, күндіз облыстың шығысында, орталығында екпіні секундына 15-20 метр болады деп күтіледі.

19 желтоқсанда күннің екінші жартысында Түркістан облысының таулы аудандарында қатты жауын-шашын, көбінесе жаңбыр түрінде жауады. Оңтүстік-батыстан жел соғады, оңтүстікте, батыста, таулы, тау бөктеріндегі аудандарда таңертең және күндіз секундына 15-20 метр, таулы аудандарда екпіні секундына 23-28 метр, таулы асуларда секундына 30 метр және одан да асатын жел күтіледі.

19 желтоқсанда Қызылорда облысының солтүстігінде және орталығында тұман күтіледі.

Нұр-Сұлтанда 19 желтоқсанда кей уақытта тұман, көктайғақ күтіледі. Күндіз жаяу бұрқасын.

19 желтоқсанда Солтүстік Қазақстан облысының басым бөлігінде қар күтіледі. Облыстың батысында, оңтүстігінде, шығысында жаяу бұрқасын, тұман, көктайғақ күтіледі. Оңтүстік-шығыстан жел соғады, күндіз облыстың шығысында екпіні секундына 15-20 метр болады.

18-22 желтоқсанда Алматы облысының Алакөл өзендері аудандарында оңтүстік-шығыстан жел соғады, күші 17-22, екпіні секундына 25 метр болады.
 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар