Жаңалықтар 19.12.2021 сағат 21:10

Шымкентте полиция департаментіне жеткізілген азамат 4-қабаттан секіріп кеткен

Күдікті жәбірленушімен жанжалдасып, оны жанына қарай итеріп жіберген.
Шымкентте полиция департаментіне жеткізілген азамат 4-қабаттан секіріп кеткен
Фото: ашық дереккөзі
Бөлісу
Бөлісу
Бөлісу

Шымкенттегі Әл-Фараби аудандық полиция бөліміне жеткізілген ер адам 4-қабаттан секіріп кеткен, - деп хабарлайды Tengrinews.kz тілшісі.

Шымкент қалалық ДП баспасөз қызметінің мәліметінше, 18 желтоқсанда ер адам төртінші қабаттың баспалдағынан секіріп кеткен.

"Шымкент қалалық ІІБ-нің кезекші бөліміне 1987 жылы туған азамат АІІБ Әл-Фараби аудандық полиция бөлімінің ғимаратында баспалдақтан секіріп кеткені туралы хабарлама келіп түсті. Оқиға орнына келгеннен кейін Әл-Фараби АІІБ-да осы азаматқа қатысты ҚК-нің 190-бабының 3-бөлігі бойынша сотқа дейінгі тергеу жүргізілгені анықталды", - деп хабарлады ведомствоның баспасөз қызметі.


Полицейлер 4-қабаттан секірген ер адам "Алаяқтық" және "Зорлау" баптары бойынша күдікті екенін айтты.

"Күдікті жәбірленушімен жанжалдасып, оны жанына қарай итеріп жіберген. Сосын баспалдаққа қарай ұмтылып, 4-қабаттан секірген. Одан кейін 3-қабаттың қоршауынан ұстап, ағаш тақтайшаға құлаған. Ол ауруханаға жеткізілді. Тексеру нәтижесінде ешқандай дене жарақаты анықталған жоқ. Күдікті Әл-Фараби аудандық сотының қаулысы негізінде департаменттің уақытша ұстау изоляторына қамалды" деп қосты департаменттегілер.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар