Жаңалықтар 26.12.2021 сағат 07:02

Қар жауып, боран соғады: Қазақстанда демалыс күні күн суытады

Синоптиктер 26 желтоқсанға арналған ауа-райы болжамын ұсынды.
Қар жауып, боран соғады: Қазақстанда демалыс күні күн суытады
Фото: ашық дереккөз
Бөлісу
Бөлісу
Бөлісу

“Атмосфералық фронтальды бөліктердің өтуіне байланысты Қазақстанның басым бөлігінде қар жауады, батыста, елдің оңтүстік жартысында – жауын-шашын, таңертең және күндіз таулы және тау бөктері аудандарында – жаңбыр мен қар түрінде қатты жауын-шашын, тұман, оңтүстікте, батыста көктайғақ, солтүстік жартысында – боран, батыста, оңтүстік-шығыста-желдің күшеюі күтіледі”, – деді Қазгидрометте.

Осылайша, синоптиктер Ақмола облысының оңтүстік-шығысында бұрқасын болады деп болжап отыр.

Алматы облысының оңтүстігінде түнде және таңертең тұман түседі, Алакөл көлінің маңында жел 17-22 м/с дейін күшейеді.

Түркістан облысының оңтүстігінде, батысында және таулы, тау бөктеріндегі аудандарында – тұман, көктайғақ болады, ал таулы аудандарда боран соғып, желдің жылдамдығы 15-20 м/с жетеді.

Батыс Қазақстан облысының оңтүстік-батысында – тұман, көктайғақ, солтүстікте бұрқасын болып, желдің жылдамдығы 15-20 м/с, солтүстікте, шығыста екпіні 23-28 м/с жетеді.

Атырау облысының солтүстік-батысында – тұман, көктайғақ күтіледі, басым бөлігінде желдің жылдамдығы 15-20 м/с шамасында болады.

Маңғыстау облысының батысы мен солтүстігінде жел 15-20 м/с жылдамдықпен соғады.

Күндіз Ақтөбе облысының солтүстік-батысында жел 15-20 м/с дейін күшейеді.

Қостанай облысының солтүстігінде, Солтүстік Қазақстан облысының оңтүстік-батысында, Павлодар облысының шығысында, Қарағанды облысының шығысында және оңтүстігінде тұман түседі.

Шығыс Қазақстан облысының оңтүстігінде, батысында жел 15-20 м/с дейін күшейеді, түнде солтүстікте, облыстың орталығында тұман түседі.

Жамбыл облысының солтүстігінде, таулы және тау бөктерінде - көктайғақ, тұман болып, таулы аудандарда жел 15-20 м/с дейін күшейеді.

Түнде Қызылорда облысының оңтүстігінде көктайғақ болады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар