Жаңалықтар 19.01.2022 сағат 16:00

«Шенеуніктерден тәркіленген ақша жиналып, жаңа қор құрылуы мүмкін» - БАҚ

Қор әкімшілік немесе үкімет қарамағында жұмыс істемейді.
«Шенеуніктерден тәркіленген ақша жиналып, жаңа қор құрылуы мүмкін» - БАҚ
Бөлісу
Бөлісу
Бөлісу

Қазақстанда шенеуніктерден тәркіленген қаражат негізінде қор құрылуы мүмкін, - деп хабарлайды Tengrinews.kz тілшісі РИА Новостиге сілтеме жасап.

Euractiv порталы мәліметінше, Қазақстанның сыртқы істер министрі Мұхтар Тілеуберді «Президент Қасым-Жомарт Тоқаев жаңа қоғамдық қор құру туралы шешім қабылдағанын» айтқан.

Басылым дерегі бойынша, қор сыбайлас жемқорлық жасаған шенеуніктерден тәркіленген мүлк есебінен қаржыландырылады.

Бұл ретте әңгіме 11 қаңтарда Мәжілісте Мемлекет басшысы құруды тапсырған «Қазақстан халқына» қорына қатысты ма, жоқ па нақтыланбайды.

«Мен бұл Президенттің де, үкіметтің де, басқа да мемлекеттік органның қоры емес екенін баса айтамын. Бұл барлық қазақстандықтың қоры. Бұл халық қоры. Ол әкімшілік немесе үкімет қарамағында жұмыс істемейді. Біз оның қызметінің толық ашықтығын, қоғам алдындағы есептілігін қамтамасыз етеміз», - деді Президент Тоқаев.

Еске салайық, «Қазақстан халқына» қорын Болат Жәмішев басқарады. Соңғы мәлімет бойынша, қорға қазірдің өзінде 12 миллиард теңгеден аса қаржы жиналған.
 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар