Жаңалықтар 25.01.2022 сағат 11:00

Қазақстанда карантин жеңілдеді. Қандай нысандар шектеусіз жұмыс істейді?

Денсаулық сақтау министрі Ажар Ғиният Қазақстанда карантин шектеулері қалай жеңілдетілгенін түсіндірді.
Қазақстанда карантин жеңілдеді. Қандай нысандар шектеусіз жұмыс істейді?
Фото: ашық дереккөз
Бөлісу
Бөлісу
Бөлісу

Денсаулық сақтау министрі Ажар Ғиният Қазақстанда карантин шектеулері қалай жеңілдетілгенін түсіндірді, - деп хабарлайды Tengrinews.kz тілшісі.

Ол Мемлекет басшысының 2022 жылғы 21 қаңтардағы тапсырмаларын іске асыру мақсатында ВАК-та бизнес субъектілері үшін шектеулерді жеңілдету тәсілдері қаралып, мақұлданғанын еске салды.

Оның айтуынша:

  • кәсіпкерлік нысандарында Ashyq жобасын одан әрі іске асыру жалғасады;
  • барлық аймақта "жасыл" және "көк" мәртебесі барларға кіруге болатын нысандар үшін жұмыс уақыты бойынша шектеулер алып тасталады;
  • Ashyq арқылы эпидемиологиялық аймаққа қарамастан салтанатты, мерекелік, спорттық іс-шаралар, көрмелер, форумдар, спорт кешендеріне, сауықтыру және діни нысандарға, ойын-сауық нысандарына, сауда үйлеріне, сауда желілеріне "жасыл" мәртебесімен кіру шектелмейді.

"Эпидемиологиялық қауіп-қатер аймағына қарамастан, қонақүйлерге, әуежайларға, теміржолдарға, автовокзалдарға, ХҚКО-ларға, "Қазпошта" АҚ бөлімшелеріне, банктерге, асхана типі бойынша қоғамдық тамақтану нысандарына, жабық базарларға, білім беру орталықтарына, СПА-орталықтарға, сұлулық салондарына, облысаралық, облысішілік, қалалық (тұрақты және тұрақты емес) тасымалдарға "көк" мәртебесі болған кезде шектеусіз кіруге рұқсат беріледі", - деді министр.

Оның айтуынша, "көк" мәртебесі барларға кіруге рұқсат етілген бірқатар нысан үшін:

  • "жасыл" аймақтағы шектеулер алып тасталды;
  • "сары" аймақта - 70 пайызға дейін, "қызыл" аймақтарда – мейрамханалар, мәдени-тұрмыстық нысандар,
  • ересектер мен балаларға арналған ойын және ойын-сауық орындары сияқты қоғамдық тамақтану объектілерінің толтырылуы 60 пайызға дейін ұлғайтылды.

"Пандемияның бүкіл кезеңінде бизнестің барлық саласында карантин шараларды ауқымы түрде жеңілдету болған жоқ. Бұл, өз кезегінде, бизнестің белгіленген қауіпсіз жұмыс алгоритмдерін енгізуге деген міндеттемесіне ерекше жауапкершілік пен сенім жүктейді", - деп түйіндеді Ғиният.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар